|
|
|
 |
|
PHAU NTAWV TEEV CAJ CES |
|
|
|
|
|
|
|
|
|
|
|
Tsoom kwv tij uas nyob deb nyob ze sawv daws, peb tsev Hmoob Hawj muaj ntau pab ntau pawg kawg li. Tab sis mas peb Herr Family Tree yuav tsis muaj peev xwm sau tag nrog sawv daws cov caj ces rau ntawm no nyob hauv lub sij hawm ntawm no. Vim tias ib leeg yeej nyob rau ib qhov deb deb lawm ces mus tsis txog sawv daws ces kuj ua rau tsis paub txog sawv daws cov caj ces li lawm.
Ntawm no nyuam qhuav yog qhov pib xwb, peb npaj siab ntsoov tias tom ntej peb yuav nrhiav peb Hmoob Hawj cov caj ces coj los sau rau hauv no kom ntau thiab kom txhua npaum li yuav ua tau.
Thov nqua hu rau kwv tij sawv daws txhua leej txhua tus uas tau paub thiab pom peb Herr Family Tree no lawm, yog nej pom qhov twg tu ncua, los sis nej xav kom muab nej caj ces coj los sau rau hauv no rau peb tau siv, thov nej txhob ua siab deb, sau ntawv tuaj rau peb Herr Family Tree peb yuav muab coj los sau thiab kho kom zoo rau peb sawv daws tau siv.
Ua Tsaug Ntau Ntau
► TSEV HMOOB HAWJ TEJ POJ KOOB YAWG KOOB THIAB CAJ CES TXOG NIAJ HNUB NIM NO.
Tsev Hmoob Hawj Liab Tub Ntxawg, cov poj koob yawg koob thaum ub nyob Suav teb muaj li no :
- Lub hauv paus Yawg NtxhuavKos thiab Yawg Tshuas Dub, yog ob kwv tij. Nkawv mam los yug tau Yawg Fav Tshaj, Yawg Txooj Npliam thiab Yawg Dawb Xab yog tsev tom no. Hos yug tau Yawg Nyiaj Pha thiab Yawg Ntxov Xwm yog tsev tom ub.
# Tsev tom no muaj :
- Yawg FavTshaj (Yog tus tub Hlob)
- Yawg TxoojNpliam (Yog tus tub nrab)
- Yawg DawbXab ( Yog tus tub ntxawg)
# Tsev tom ub muaj :
- Yawg NyiajPha ( Yog tus tub hlob)
- Yawg NtxovXwm ( Yog tus tub yau)
Tsev tom no thiab tsev tom ub, thaum lub hauv paus yeej yog ob kwv tij yug koom niam koom txiv koom ib lub plab.
TSEV HMOOB HAWJ TOM NO:
- Yawg Fav Tshaj Hawj, los yug tau: 1. yawg Nom Xwm, 2. yawg Zam Vas thiab 3. yawg Tshu Kim.
- Yawg Txooj Npliam, los yug tau: 1. yawg Zam Loom, 2. yawg Nyiaj Teeb.
- Yawg Dawb Xab Hawj, los yug tau: 1. yawg Nom Pheem, 2. yawg Txoos Lwm thiab 3. yawg Tshuas Vws.
TSEV HMOOB HAWJ TOM UB:
- Yawg Nyiaj Pha, los yug tau: 1. yawg Tooj Loob, 2 yawg Neej Yob.
- Yawg Ntxov Xwm, los yug tau: 1. Nraj Kos txiv (tsis paub npe lawm), 2. yawg Laum.
Cov Caj Ces tsev Hmoob Hawj Liab Tub Ntxawg taug los txog niaj hnub nim no ces tau sau meej nyob rau hauv PHAU NTAWV TEEV CAJ CES hauv qab no.
|
|
|
|
|
|
|
|
